Los Juscabondas demòran los Jucabondas.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Los Juscabondas demòran los Jucabondas.

Message non lu par Sergi »

Que serà l’ambient la sason de ven dins las tribunas de Bernat Lapòrta a Galhac e dins las de Nadal Pelisson a Graulhet ? Se lo maridatge entre las estructuras bailejairas dels dos clubs es estat menat a bon pro, que ne serà dels clubs de suportaires ? La mescla se farà entre entre suportaires graulhetòls e galhagòls ? Probablament pas la primièra annada que cadun demorarà amb las seus abitudas. Cadun servarà, dins un primièr, temps sas afinitats, demorarà dins son cercle. Mas aquò rai ! Se cada club de suportaires demòra encara entre se, aquò empacharà pas de garnir las tribunas. Cada grand club a mantunes clubs d’afogats. Ne serà de l’USGG coma dels autres. Los Jucabondas (emai s’es un club informal) deuriá n’èsser un demest los autres.
Pasmens, amb lo temps e los rescontres frequents dels unes amb los autres, amb las proximitat dins las tribunas, los moments dels desplaçaments, amb los viatges comuns en carri, es probable que de ligams d’amistat van nàisser. Alavetz una vertadièra simbiòsi pòt espelir entre los clubs de suportaires. I pòt aver quitament una emulacion entre los de Graulhet e los de Galhac. Pensi, emai, qu’aquela emulacion serà necessariá per crear un vam indispensable a cò del public. Se l’Union trapa pas son public, aquò voldriá dire que l’entenduda poirà pas demorar de temps al nivèl esportiu qu’es lo nòstre a l’ora d’ara.
Los Jucabondas an lor plaça dins aquela aventura que s’enança. Es al mens çò que ne pensi. Nos demòra pas pus que d’esperar que per la sason venenta aurem tanben un forum. L’aventura d’un club fa partida de l’aventura umana. Los Jucabondas fan lo ligam antre passion del rugbí e umor. Los Jucabondas fan tanben lo ligam entre cultura rugbistica e cultura occitana. Deman contunharem de jucar bondas, un còp entre autre a Galhac e Graulhet.
Bonda en boca, fraires jucaires, tenètz-vos fièrs.
Lo rugbí es una fèsta. Es l'espòrt occitan per excelléncia.
Répondre