Escartairat entre Nadal Pelisson e Bernat Lapòrta?

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Escartairat entre Nadal Pelisson e Bernat Lapòrta?

Message non lu par Sergi »

Aquò contunha ! Encara un article d’uèi sus La despacha a prepaus d’aqueste funèste projecte de fusion/associacion entre l’Esportiu Club Graulhetòl e l’UAG. Disi ben « funèste » per çò que i a res pus de mai eficaç per far desapareisser un club que de lo fusionar amb un autre. Es la depersonalisacion completa. Deguns se pòt pas mai identificar a quicòm de completament ibride. E quand la novèla entitat es pas completament idrida, es qu’un club a pres lo dessús sus l’autre. Es encara piège !
S’aquò deviá arribar, Dieu no’n garde, la causida del nom del club novèl a pas res d’anecdotic, brica. Caldriá alara qu’almens los dos noms de las doas vilas paresque dins lo novèl intitolat. Pensi aicí a « soragout ». Qual se sentís francament, qual se poriá identificar coma Soragotòl ? Amb aquesta fusion an escafat los nom de Soal e de Saïx. A tal punt que los dos municipis se sentissan pas mai obligats de subvencionar un club qu’es quitament pas capable de carreja e metre en excèrgaue lo nom de la comuna.
S’es ja ausit dins las travadas de la tribuna La Bòria que Mouillon poriá pas suportar d’annadas e d’annadas lo finançament de l’UAG. Aquò d’ont mai que la gestion d’un club de Pro D2 demanda la necessitat d’un budgecte de mai en mai espés. Amai per èsser ric, Mouillon es pa Cresús ! Mas per ieu val mai una UAG dins l’elita del rugbí amator qu’una UAG peltirada en Nada Pelisson e Bernat Lapòrta.
Soi pas dins los secrets dels dieuses. Mas, tocant a la moneda, La Despacha, en debuta de sason balhèt lo marrogal de cada club. Publicament es estat escrich (mas ai pas vist las comptabilitats) que l’UAG dispausava de 3 millions d’€ e lo SCG 800 000 € (metem 1 million). Se fasèm l’addicion, lo club novèl poriá comptar sus 4 millions per la sason que ven. Fin finala fariá quicòm de pro crane per disputar lo campionat de Pro D2.
Mas o tòrni escriure : per ieu lo rugbí es mai qu’una question d’argent. Es una question d’anma, d’identificacion a un cloquièr. Aquò fa un pauc reaccionari, un pauc chauvi ? Mas lo rugbí occitan es nacut e a viscut sus aquela basa !
Per totas aquelas rasons espèri que la fusion/associacion se farà pas jamai.
Visca l’UAG, visca lo SCG !
Lo rugbí es una fèsta. Es l'espòrt occitan per excelléncia.
Répondre