Tornem un còp de mai subre lo projecte de fusion.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Tornem un còp de mai subre lo projecte de fusion.

Message non lu par Sergi »

Vos diguèri mai d’un còp qu’èri contra aquel projecte de fusion entre Graulhet e Galhac. Al jorn d’auèi soi pas tan categoric per çò que desempuèi una setmana ai legit un fum de causas d’un costat e d’autres. Per exemple fins ara ai pas pro pres en compte que l’actual President Mauillon poriá pas comptablament assegurar sol l’avenir de l’UAG en ProD2. De fach la problematica se resumís a n’aquesta sola question : Es que volem demorar longamai en Pro D2 ? Se la responsa es positiva, alavetz, cal trapar de moneda. Un club a n’aquel nivèl de la competicion deu dispausar d’almens un gròs pairin-anonciaire. Se cal pas far d’illusion, lo traparem pas a Galhac quand avèm ja un club de Tòp 14 a vint quilomètres.
Mas la question es de saupre se una fusion amb l’ECG poriá nos permetre de demorar en Pro D2 ? Es aquí la question « que tua ». Caldriá trapar una solucion per perennisar l’UAG en campionat professional. Qual sap se la fusion amb Graulhet bastarà per nos permetre d’aver un club professional viable ? Personalament o pensi pas. Aquela fusion la sentissi coma una fugida en abans, un salva-qual-pòt, un darrièr recors, la darrièra temptativa per se mentener. Nòstre amics de Graulhet son encara mens aplechats que nautres. Que nos porián portar ? An pas de pairin-anonciaires fortunats. Finalament son encara pus paures que nautres. An quitament mens de public que l’UAG.
Fariem la fusion pas que per una question d’esclairatge de l’estadi ? Aquí siem en drech de criticat sevèrament la municipalitat de Galhac qu’a quitament pas encara votat lo budgecte nimai, a pus fòrta rason, començat los trabalhs d’installacion dels projectors. Çò que me còrferís lo mai es aquel abandon escandalós de l’UAG per la municipalitat. Ara sabem que l’UAG jogarà encara l’an que ven en ProD2, cal adoncas que l’obrador comence lèu per dire d’aver l’esclairatge per la debuta de la sason venenta (que començarà tard per encausa de la Copa del monde). De véser la municipalitat préner pas sas responsabilitats, es normal que los bailes de l’UAG ensagen de trapar d’autras solucions endacòm mai. Mas ai paur que la fusion amb Graulhet siá una vertadièra falsa bona solucion. Me sembla èsser la temptativa del desesper. La branca a laquala lo naufregat ensaja de s’acrancar. Mèfi, alavetz, que se trache d’una branca pro solida.
L’evidéncia que totòm cala, es que degus a Galhac a pas mai enveja de tornar en Federala. E per aquò, o cal ben dire, siem preste a totes los compromeses, se que non a totas las compromissions.
Lo rugbí es una fèsta. Es l'espòrt occitan per excelléncia.
Répondre