Los nautparmaires de La Bòria son pagats pels suportaires

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Los nautparmaires de La Bòria son pagats pels suportaires

Message non lu par Sergi »

Cars Jucabondas,
Aièr èri dins lo carri que carrejava los suportaires de l'UAG cap a Besièrs. Plan solide, amai se lo País-Bas es pas plan lèunh, dos oras e benlèu mai dins un carri aquò te daissa de temps per barjacar d'una causa e d'una autra. Ten-te 'qui, que n'aprenguèri una que passa l'òsca. Sabiái pas, ieu, que los nautpalaires, los famoses nautparlaires que se'n parlèt tant sus aqueste forum, los nautparlaires de la tribunas de La Bòria son pagats pel club dels suportaires. Òc-ben, pel club dels suportaires! Es tot simplament una vergonha e un escandòl. Es un mesprés inaceptable pel public popular de La Bòria. Coma l'installacion es pas que provisòria, aquò fa una vertadièra renda pel club dels afogats de l'UAG.
Lo club dels suportaires de l'UAG es bailejat per de monde serioses e volontaris. De monde que comptan pas lor pena ni lo volume de lor susada per far progressar lo seitzen òme de l'equipa. D'aquí a lor impausar la gestion, e mai que mai lo còst de la gestion de l'installacion rambalhejada de la sonorisacion de la tribuna de La Bòria, ne reveni encara pas.
Qual es que met l'ambiança a Bernat Lapòrta lo dimenge? Quals son los que sostenan mai, que cridan mai, golan mai, que fan mai de musica dins l'estadi? Ont son los que pòrtan los drapèus e las colors roja e negra? Son, plan solide dins la tribuna de La Bòria. Son nosautres los suportaires mai vesedors e mai afogats de l'estadi. E per nos rescompençar avèm sempre pas de sonarisacion de la tribuna. E se justament avèm quicòm que ten amb d'aram, apreni qu'es nautres meteisses que lo nos pagam. Res que de i pensar aquò me balha l'èrnha.
A l'UAG avèm mai besonh de suportaires vertadièrs que non pas d'espectators estatiques coma los que se tenon dins la tribuna oficiala. Nos cal animar las partidas mai que çò que fasèm ara. Mas per aquò far cal los bailes del club fasquen l'esfòrç de respectar sos suportaires se vòl demorar un grand club de Pro D2.
Alavetz, soi caput, tòrni demandar la sonorisacion definitiva de la tribuna de La Bòria als fraisses de la comuna o del club. Francament compreni pas aqueles petaçatges actuals alara que basta pas que de tirar quatre fialses. Espèri que serai ausit.
Del còp per ajudar l'associacion del valents suportaires de l'UAG, prenguèri la carta.
A dimenge que ven contra Tolon.
Tenètz-vos fièrs!
Lo rugbí es una fèsta. Es l'espòrt occitan per excelléncia.
Le paysan
Senior
Senior
Messages : 517
Enregistré le : 13 juin 2006, 21:50

Message non lu par Le paysan »

:D :( Lou SERGI siou enravmmssat(enrhume que j en ai des frissons) je t ecris en francais ) l entrenur es un boun,lou de dare es un arganiol .besi jm A beleousabi pas siou qu un PAYSAN :roll: :!:
Répondre