Deman nos anam gelar los castanhons!

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Deman nos anam gelar los castanhons!

Message non lu par Sergi »

Cars amics juscaires,
Macanica de macanica, se contunha de far lo temps qu'avèm d'aquestas passas, deman nos anam gelar los castanhons dins las tribunas de La Bòria. Remarcatz que los Mossenhs que serán dins la tribuna d'en fàcia, auran pas, eles tampauc, lo calfatge!
Almens que nevese pas o que gelese pas de tota la jornada. Se la pelena es gelada, siam fotut: la partida nos passa jol nas! Se jamai èra lo cas prepausi de l'assagar a partir de mièjorn amb de nhòla. A çò que pareis que i pas res de pus eficace per degelar un terren que de l'asagar amb d'aigardent. Bon, vertat qu'a còp de 20 litres al metre-carrat farà un pauc car l'estadi practicable, mas anirem quèrre çò que cal sus la laissas del supermercat a cò de Mauillon. En faguent una bona mescladissa de conhac, d'armanhac, de vodcà e de visquí de tota mena, deuriem poder fotre lo fuòc a l'estadi.
Amics juscaires vos devi informar d'un biais plan formal e oficial de la crompa que veni de far. Figuratz-vos que me passejavi l'autre jorn entre las laissas d'un supermercat a... Puèglaurenç, e totcòp aquí que te vesi pas un magnific bonnet tot roge! Fa plan temps que cercavi un bonnet roge e negre per venir a La Bòria, mas jamai n'ai pas trapat enlòc. Alavetz, me soi dich que faute de singlar manjariái de pòrc e crompèri aquel bonnet mannat d'un roge pompièr que vos espeta a la cara. Ma manca pas mai que de i far brodar dessús las tres letras que nos son talament caras: UAG. Es un trabalh qu'ai demandat a la femna d'entreprene. Mas a n'ela lo rugbí l'a pas jamai estrambordada. Me demandi s'aurai mon bonnet acabat per la fin de la sason... Mancariá pas que lo m'acabèsse pel mes de junh!
Macarel de macarel, veni d'esternudar talament fòrt que mos dets venon de far una falsa manòbra sul clavièr. Doncas riscatz d'aver sul forum la debuda de ma elucubracions, puèi la totalitat de mas asenadas. Quand vos disi que la planeta rugbí se rescalfa pas. Se que non cossí poriètz explicar qu'arresti pas d'esternudar desempuèi cinc minutas?
En esperant deman ont anam assistir a una polida victìria de l'UAG sus La Rochèla, vos aconselhi de vos tener al caud a costat del barricon, la bonda a la man, plan solide.
Lo rugbí es una fèsta. Es l'espòrt occitan per excelléncia.
Le paysan
Senior
Senior
Messages : 517
Enregistré le : 13 juin 2006, 21:50

Message non lu par Le paysan »

Sergi te de mandos pas perque digus te respoun :?: :?: :?: :?:
Sergi
Poussin
Poussin
Messages : 52
Enregistré le : 15 oct. 2006, 09:06

Car Paisan,

Message non lu par Sergi »

Car Paisan,
Òc-ben, fa ara qualques temps que me demandi perqué los autres Juscabondas me respondan pas. Benlèu que soi un pauc inocent (emai benlèu bravament), mas me demandi perqué los que son escriuches sus aqueste forum me respondan pas. Sabi qu'escrivi la lenga nòstra dins sa vertadièra grafia, mas aquò rai! Vesi que tot lo monde es capable de me legir. Basta pas que de s'i aconstumar, e las gens s'i acostuman, coma tu per exemple.
Alavetz, se as la responsa a la question de saber perqué lo monde me respond pas, soi preneire.
Mercés plan e a lèu sul forum o a La Bòria.
Bona juscada a tu... e a ieu.
Lo rugbí es una fèsta. Es l'espòrt occitan per excelléncia.
placide
Cadet
Cadet
Messages : 181
Enregistré le : 02 sept. 2004, 18:33

Re: Car Paisan,

Message non lu par placide »

Sergi a écrit : Bona juscada a tu... e a ieu.
Sabi qué lou paysant, qué couneîssi pla, jusco pas qué un vi de Gailhac é pus particulliéroment dé Técou.
Dé tins en tins lou fa calfat quant fat pas pla caout.
Le paysan
Senior
Senior
Messages : 517
Enregistré le : 13 juin 2006, 21:50

Message non lu par Le paysan »

e tabe de bordo y de bi de beziers :D :D :?:
Répondre