Alavetz, tot lo monde dormís?

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Alavetz, tot lo monde dormís?

Message non lu par Sergi »

Brave monde,
Me demandi ont siatz passat que fa un momenton que deguns balha pas mai signe de vida dins aqueste forum. Ai qualques còps l'impression de parlar, e quitament despalar, solet. Sabi ben que lo vin novèl ven d'èsser tirat, pasmens entre dos veirats de bon vin m'estona, amics, qu'agessètz pas léser de pianotar sul clavièr. D'ont mai que se pòt far las doas causas a l'encòp. Vos assolidi qu'es aisit. Ai ensajat! Téner lo vin dins la man gaucha e tustar sul clavièr de la man drecha es a la portada del primièr juscabonda vengut. O ai experimentat e aquò marcha. O puslèu aquò "davala".
Sabi pas çò que van faire nòstres jogaires a Bordèu coma resulta, mas ieu vau a Colomièrs dissabte que ven. E aquí caldrà ganhar. Serà pas lo moment de cagar a las cauças. Se nos volem manténer en Pro D2 caldrà ben ganhar qualquas partidas a l'exterior e Colomièrs es a la nòstra portada per aquò far. Espèri que i aurà un bon public galhagòl a l'estadi de Colomièrs.
Per acabar nos informi que lo N° 01 d'"Ovale 81" ven de sortir. Un un jornal ont se i trapa totas las informacions sus lo rugbí dins lo despartament. Vos i podètz abonar (ai pas cap de beneficis sus aquel afar) per la soma pichonela de 13 € per an en mandant un chèc a "Edicions FSF - 79, avenguda del Bruèlh - 81000 Albi". Vos cal metre l'adreiça en occitan que lo corrièr arriva tamplan. Dins aqueste darrièr N° i traparètz mon article ont descrivi la serada ont l'UAG joguèt a l'estadi Malhòl de Tolon.
Bon, me maini que soi un pauc longuet. Desencisatz-me, soi un pauc chapòrla. Çò que, fin finala, es pas un desfaut per un suportaire de l'UAG.
Tenètz-vos fièr e chucatz ferme.
Lo Sèrgi.
Lo rugbí es una fèsta. Es l'espòrt occitan per excelléncia.
Le paysan
Senior
Senior
Messages : 517
Enregistré le : 13 juin 2006, 21:50

Message non lu par Le paysan »

es dimence,boi vese l UAG a Colomiers. Lou Sergi si sios alla disate ias dourmit(excusos me, sabi pas escrire en patoas).Esperi que l outo tenddra et que plouvra pas.Arisias brave mondo. Stagiaire a lassociation desTSUCO BOUNDOS.
Répondre