Me demandi se los Jucapondas avián pas tròp juscat aièr.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Me demandi se los Jucapondas avián pas tròp juscat aièr.

Message non lu par Sergi »

Adiussiatz brave monde,

Aièr contra Pau los rubiaires galhagòls nos fasquèron paur. La partida foguèt entemenada a un ritme tras que lentet. A se demandar se los jogaires avián manjat a miègjorn! M'an fach damnar tota la partida.
A prepaus del jòc ieu vòli dire doas causas:
1) Quand mandan una penada endavant, los Galhagòls montan pas pro vite. Òm diriá que Galhard lor a mes de plomb dins las semelas. Es pas normal. Quand un manda un còp de pè endavans es per ganhar de terren, alavetz cal montar còpsec e d'aviada, si que non es far lo trabalh a mièja.
2) Me demandi çò que fan a l'entraïnament, mas s'èri ieu demest los entranaires, lor aprendriá a placar a las cambas. Es una pietat de véser a n'aquel nivèl cossí los jogaires uagistas an de mal a placar lors adversaris. Es gaire admissible de véser que los adversaris se pòdon jogar de doas galhagòls avant de se far arrestar pel tresen. Es una manca d'eficacitat qu'un jorn o l'autre anam pagar car!!! Placa son vis-a-vis es lo b-a-ba del rugbí, subretot al nivèl professional...
Bon! Aièr avèm ganhat un còp de mai e es una plan bona causa per poder demorar en Pro D2. Mas lo camin serà encara long! Dins l'ideal auriem pas degut daissar partit Pau a son ostal amb lo punt defensiu dins sa museta. Atencion al classament en fin de sason! La davalada en federala se jogarà a un punt. Es evident. Alavetz, me pensi que cal far atencion de balhar pas de punts a d'equipas que coma Pau riscan de se retrobar en fin tablèu a la fin de la sason.

A despart d'aquò, ai estrenat ieu mon novèl drapèu. Es roge e negre, plan solide, mas i ai tanben la crotz occitana en aur sus la partida roja. S'erètz a Bernat Lapòrta avètz degut le véser. Siaguèsse pas que per çò que lo bramaire al micrò ne parlèt.
Pel moment ai pas trapat de bonda. Me vòli metre una gròssa bonda penjada al còl. Vos ne parlèri la setmana passada. N'ai pas trapada de bonda. Alavetz, vosaus que siás de Galhac me poriàs trapar aquò endacòm.

Vos ai esperat per beure un còp. Ont erètz passats??? Aviatz tròp jucat a las bondas e fasètz la sièsta? Caldrà fargar un reglament dins la confrariá amb un article per interdire de jucar ABANS LA PARTIDA. Per contra un autre article poriá estipular una obligacion de jucar PENDENT LA PARTIDA.

Bon, anèm... Portatz-vos plan e a la setmana que ven sul forum.

Lo Sèrgi.
Lo rugbí es una fèsta. Es l'espòrt occitan per excelléncia.
Répondre