Ai escrich sus l'Amicala Esportiva Vaurenca. Es vertat.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Ai escrich sus l'Amicala Esportiva Vaurenca. Es vertat.

Message non lu par Sergi »

Braves arganhòls de Jucabondas,

Ai pas totjorn léser de legir lo forum que me cal trabalhar tota la setmana. Pasmens me maini que mos amics Rantanplan e Blairotarnais se demandan se soi pas un espion de La Vaur a Galhac. Es pas per dire brave monde, mas an rason de se pausar la question. Figuratz-vos qu'en primièr soi nascut a... La Vaur. Rantanplan e Blairotarnais an rason de se demingrar a saber çò que veni fotre en çò dels Jucabondas per çò efectivament demòri mai prèp de La Vaur que de Galhac. A Sant Sulpici la Punta soi pas qu'a 15 quilomètres de l'estadi Municipal de La Vaur, mendre que me cal far almens un desenat de quilomètres de mai per venir a Bernat Lapòrta.
Autra causa, lo primièr article qu'escriguèri dins "Rugbymagazine" l'ai escrich sus la dradicion rugbistica de ma vila natala. Circonsténcias agreugentas, quand i a pas de partida a Galhac, vau a l'estadi de La Vaur. Que volètz! Me pòdi pas passar de rugbí lo dimenga. Ma femna o me repròcha plan pro!!! Tenètz, dimenge passat, alara que l'UAG èra a Lemòtges, ieu enguèri véser l'ASV ganhar Nafarroa a l'estadi municipal.
Mas devi diri per ma defensa que soi abonat a l'UAG e non pas a l'ASV. Que volètz? Per ieu lo rugbí es una dròga dura: me'n pòdi pas passar.
DAISSÈTZ PAS SECAR LAS BONDAS! A dimenge que ven.
Lo rugbí es una fèsta. Es l'espòrt occitan per excelléncia.
Répondre