Macarèl, i siem arribat! Enfin los avèm los nautparlaires.

[Sergi]

Brave monde dels jucabondas,

Quina suspresa aièr quand soi arribat dins la tribuna de La Bòria! Tot d'un còp ausissi de musica que te me veniá d'en pertot. Alavètz, me viri, me reviri, lèvi lo cap e es a n'aquel moment que te vesi los nautparlaires acrancats jos teulat de la tribuna.
Avem ganhat! Siem estat entendut. Los dirigents de l'UAG nos an balhat satisfaccion. Podem ara aver son (pas lo bren que siem pas d'ases). Podem agachar las partidas dins un confort acceptable.
Al nom de totes los suportaires de la tribuna de La Bòria vòli mercejar los dirigents de l'UAG per lor trabalh.
I tanben una causa que m'inquièta a l'estadi. Es que capitam pas l'emplenar. Aièr i aviá encara de plaças voidas dins la tribuna oficiala. ES PAS NORMAL. Ieu ensagi de convencer d'amics a venir per emplenar totes los gradins. Aièr, per exemple, soi vengut amb un tipe qu'aviá pas jamai assistir a una partida de rugbí de sa vida. Amai l'espectacle li agradèt! Ne profitèri per li demandar se lo veniái quèrre la setmana que ven contra Pau. Me diguèt de òc. Finalament acabarai per far d'aquel òme un suportaire de mai per l'UAG.
E ara la partida.
Se los joigaires avián butar un pauc mai auriem pogut acabar amb lo punt ofenciu. Èra a la nòstra portada aquel punt que risca de nos mancar a la fin de la sason. Me dirètz qu'es pus lèu ditz que fach, mas m'a semblat aièr que l'equipa mancava de nhac. Enfin, l'essencial es estat fach: avèm quatre punts de mai al classament. Mas contunhi de pensar qu'èra, amb Lo Mont de Marsan l'escasença de far lo plen de punts, coma o fasquèrem contra Grenòble.
Un còp de mai un brave còp de capèl pels entrainaires Cristòfol Luquiòt e l'Alan Galhard.