Totjorn a prepaus dels nautparlaires tribuna de La Bòria

[Sergi]

I un amic que me respondèt que la prioritat de las prioritats per l'UAG es l'esclairatge de l'estadi. Aquò rai! Es normal que la prioritat magèr es l'esclairatge. Mas ça que la, tirar un fial electrique e vissar quatre nautparlaire es pas un gròs investiment. Es quicòm que quitament compta pas dins un budgète de tres milions d'èuros.
N'ai parlat auèi e d'unes responsables de club. Espèri que l'idèia serà presa en compte. Es una question de confòrt e de respecte pel public qu'es dins aquestas tribunas populàrias. Avèm pagat 150 • per l'annada e me sembla qu'avèm drech, coma los autres a coneisser la formacion de las equipas.
Auèi, 15 d'octobre avèm assistit a una plan bona partida de rugbí. En defòra de çò que se passèt sus la pelena, ai apreciat la participacion d'un banda musicala dins las tribunas de La Bòria. Aquò balhèt de vam al public e coma lo public balha de vam als jogaires, arribam atal a una bona resulta.
Per contra çò que planhissi, es que l'estadi foguèssa pas estat plen. Nos cal arribar a far venir mai de monde a l'estadi. Es un pauc de la responsabilitat de cadun de nautres.
A plaser de vos tornar veire a l'estadi Bernat Lapòrta.
Sèrgi.