Santa Bonda preguètz per nautres !

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Santa Bonda preguètz per nautres !

Message non lu par Sergi »

En tota debuta d’afar d’union (cal pas parlar de fusion) amb Graulhet, fasquèri coma mantunes galhagòls… Me demandavi se valiá pas mai demorar paure en çò seu que ric a çò dels autres. O, se volètz, se valiá pas mai tornar en Federala 1 amb l’UAG que de demorar en Pro D2 amb Graulhet. Malapèsta de malapèsta, semblariá que la Direccion Nacionala d’Ajuda al Contraròtle de Gestion de la Liga de rugbí age decedit per nautres.
Quand ai decobèrt aqueste matin dins « La Despacha » la retrogradacion de l’UAG en Federala 1, creseguèri de ne tombar de cuol. Emai s’aquò nos penjada al nas desempuèi qualques temps, emai s’i èrem mai o mens psiquicament aprèstats, aquò ensuca bravament quand vos tomba sul suquet. En Mauillon sembla completament e defenitivament descoratjat. Lo jornal pòrta qu’En Galhard auriá quitament ja avisat los jogaires de la malparada de lor situacion de caumaires potencials.
Emai se, segon çò que pòrta lo jornal, la decision de la DNACG sembla definitiva e que lo Comitat direccional de l’UAG ditz voler pas far apèl, pòdi pas pensar que l’afar se pòsque clavar tan lèu, en tan pauc de temps. A mon vejaire ne siem pas qu’a la debuta d’un long fuèlheton que durarà probablament tot l’estiu. Lo manten esportiu de l’UAG en Pro D2 foguèt un fuèlheton que durèt tota la durada de la competicion, e vaquí ara que lo manten sul tapís verd risca de durar tota l’intersason. Vos disi ieu que per trapar pas un còp de sang quand òm es suportaire de l’UAG, cal aver la codena espessa e lo còr de fusta. De la fusta que se fan los muèges.
Amb lo bèl temps qu’acabarà ben per arrivar (urosament que la sason es clavada per çò que los terrens son trempes desempuèi tres setmanas), las bondas las anam pas chucar, mas las anam rosegar tan l’angoissa e la petega nos va escanar. Quin serà l’epilògue d’aqueste funèste afar ? Cars amics Jucabondas o saurètz en legissent l’episòdi venent. E d’episòdis no’n podem prometre…
Lo rugbí es una fèsta. Es l'espòrt occitan per excelléncia.
Répondre