Un afar de budgècte.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Un afar de budgècte.

Message non lu par Sergi »

Ongan, valent a dire per la sason 2007-2008, l’ASGG deuriá dispausar d’un budgècte de quatre milions d’€. Tres milions per l’equipa professionala e un million per l’equipa que jogarà en Federala 1. Fin finala, tres milions per l’equipa de Pro D2, aquò reven a çò que dispausava per la sason que se ven d’acabar.
Mas los budgècte pujan a vista d’uèlh dins lo monde del rugbí professional. La mesa en plaça del buggèctes presionals es pas encara acabada que ja d’unes clubs anoncian de somas colossalas. D’unes clubs coma Lion, París, Narbona e Agen son solide d’aver de marrogals de uèit milions d’èuros. I a quitament lo fenomenal Tolon que va poder comptar subre dètz milions. Valent a dire qu’a broa de rada dispausarán d’un budgècte egal als clubs mai rics del Tòp 14. Arrenga-te amb’aquò !
S’aquò se confirma atal, demarrarem la sason amb lo minimum. Pasmens cal pas daissar creire que l’argent o fa tot, emai se « l’argent fa pas lo bonur de lo que n’a pas ». Diblidessem pas qu’Aush a fach una espectaclosa sason amb lo pus mendre bugècte de la Pro D2. L’an passat as Albi fasquèt la meteissa causa amb sa pujada dins l’elita. L’esperit esportiu a encara son mot a dire dins un monde de mai en mai bailejat per la moneda. Que dire per exemple de la pujada de Dacs amb un marrogal dos còp mai teunhe que lo de Tolon ?
Cars Jucadondas, anam ara passar la pus marrida passa de l’annada rugbistica : la dels transferiments. La premsa va pas parlar que d’aquò pendent tres meses. A ja comerçat. Que se serà per l’USGG ? Çò de plan es que, segon las entresenhas que son las meunas a l’ora d’ara, planes dels jogaires qu’aviem ongan van demorar a l’ostal. Autra informacion caporala, la segon laquala tres graulhetòls deurián signar un contracte professional. A n’aquetes amators que passan la vitèssa superiora cal, plan solide, ajustar un nombre almens equivalent de Galhagòls que fins ara jogavan dins los Espers. Me semblariá una politica de savièsa que de far montar de joves del país. De tot biais amb los sòuses que son los nòstres nos podem pas pagar lo luxe d’un recrutament de vedetas. Fau fisança als bailes de l’USGG per perdre pas lo cap. Relegacion per relegacion, val mai davalar esportivament que non pas quinquanèla financièra. Un moment donat cal saupre quitar las arènas fièrs. Agachat ont la seu fugida en abans financièra menèt Colomièrs ?
De que ne pensatz, estimats Jucabondas ?
Lo rugbí es una fèsta. Es l'espòrt occitan per excelléncia.
Répondre