Visca l’Union Esportiva Galhac-Graulhet !

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Visca l’Union Esportiva Galhac-Graulhet !

Message non lu par Sergi »

Aqueste còp i es ! Segon lo jornal d’auèi lo nom de la novèla entenduda entre los clubs de Galhac e Graulhet es estat arrestat. Es estat arrestat per los bailejaires de las doas entitats. Alavetz, an causit « Union Esportiva Galhac-Graulhet » (USGG en francés), puslèu qu’ « Union Galhac-Graulhet » qu’aviá lo meriti d’èsser pus cortet e doncas de passar melhor dins los mediàs. Me sembla aquò una error de comunicacion que totòm vos dirà que los intitolats, los sigles e los lògòs devon sempre los pus brèus possible per èsser mai lisible. O an volgut atal… L’istòria trencarà.
Pr’aquò nos cal pas èsser negatiu. Avèm pas de rason de bodinhar lo nòstre plaser de suportaire. Tot comptat e rebatut, avèm per ostal rugbistic una estructura professionala. Doblidessem pas jamai que son pas que trenta los clubs professionals de rugbí en França. Es un vertadièr espet de n’aver un a partajar entre Galhac e Graulhet. Es un vertadièr espet d’aver tres clubs professionals dins nòstra conmarca. Anam pas, ça que la, plorar sul nòstre bonur.
Sostendrai adoncas l’USGG en 2007-2008 coma sostenguèri l’UAG en 2006-2007. Ma decision es presa. Per respecte als jogaires e als bailejaires de l’UAG que fasquèron una sason extra-ordinària, me farai un plaser de renovelar mon abonament per la sason venenta. Cal èsser positiu en tota causa, e al rugbí coma endacòm mai.
Sabi ben que tre l’annoncia d’aquela union soi estat pro ceptic, pensatiu. Ai escrich aicí e ailà mas reservas. Ai quitament degut me pausar de viva totz la question de saber se valiá pas mai èsser galhagòl en Federala 1 que galhetòl/graulhagòl en Pro D2. Mas los responsables de Graulhet e de Galhac an enveja de tirar en d’avant e an rason. Amb las resultas esportivas obtengudas la sason que s’acaba, es normal de voler butar encara mai a la ròda. Lo contrari seriá estat pec. L’union es estada tan plan estipulada que siem totjorn a temps de nos retrobar, e Galhac, e Graulhet, en Federala 1. Per çò que se cal pas far d’illusions, per nautres lo manten en Pro D2 serà una escorreguda de cada sason. Benlèu no’n tirarem pas totjorn tamplan coma ongan.
Anem, braves jucaires, amics de sempre, nos retrobarem dins qualques meses a Nadal Pelisson e a Bernat Lapòrta per d’aventuras rugbisticas novèlas. Ongan i anam véser evoluir Narbona e Agen. Desencisatz del pauc ! Agen a La bòria ! Aquò valiá ben una union… Non ?
Lo rugbí es una fèsta. Es l'espòrt occitan per excelléncia.
Répondre