Es lo primièr còp que vau véser jogar las femnas.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Es lo primièr còp que vau véser jogar las femnas.

Message non lu par Sergi »

Los capdelaires de l’UAG an agut aquí una idèia mèstra : Far jogar una partida femenina en levar de cortina de Metro-Racing contra Galhac. Serà per ma part lo primièr còp que verai de visu e in situ una partida de femna. N’ai ja vistas de passatges a la television. Emai cada còp soi estat estabosit. Que siá al punt tecnic, al punt de la volontat e de la condicion fisica, que siá quitament al punt de vista estetic, lo rugbí femenin es un espectacle que val lo masculin. Anirai fins a dire que per l’espectator es gaire defirent. Pel pauc que vegèri a la television, vos pòdi dire que lo femelum es tan nhacós e qualques còps tissós coma lo masclum. Las femnas an tanben l’intelligéncia del jòc.
Lo sentit que ne tirèri a cada còp es que las femnas semblan prene mai de plaser a jogar que los òmes. I a benlèu mens d’enjòc. Encara que, sovent los qualques tròces de partidas que son estats televisats, o èran de partidas internacionalas amb, ça que la, an un pauc d’enjòc (siaguesse pas qu’al nivèl de l’onor). Cal pasmens notar que lo rugbí femenin es un rugbí amator que se jòga per la glòria, e aquò balha de frescor al jòc.
Pensi que la dintrada de las femnas dins lo monde del rugbí, a totes los novèls, pòrta mai de convivialitat a la fèsta rugbistica. Pasmens, quand se tracha del masculin, lo combat sus la pelena deu demorar viril e una bona sopa de tòtols de temps en temps pòt advenir. Es indefugible d’una partida alèrta. Lo rugbí demòra un espòrt de contacte e de combat, un carpan pòt escapar a l’un o a l’autre « dins lo fuòc de l’accion ».
Amic, Jucabondas, nos anam nos regalar aquesta vesprada. Mas me demandi s’aquela partida de rugbí femenin seriá pas estat programada per apasimar las repotegadas dels suportaires a prepaus del projecte de fusion amb Graulhet ? Jògan fin los bailes de l’UAG. Coneisson la psicologia de massa…
Lo rugbí es una fèsta. Es l'espòrt occitan per excelléncia.
Répondre