Entre doas juscadas, parlem d’argent e d’eventuala fusion.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Entre doas juscadas, parlem d’argent e d’eventuala fusion.

Message non lu par Sergi »

Regrèti que d’aquestas passas se parle mai de budget e de moneda que non pas d’alinhament en tòca o de mesclanha que vira. Mas es atal ! Una remarcabla sason per l’UAG s’acaba pel manten en ProD2, amb, ça que la, una gròssa ipotèca sus la sason que ven per encausa, s’ai plan comprés, d’argent. Emai es plan una question de budget se ne cresi çò que ditz Joan-Pèire Delmas sus La Despacha d’aièr « O alara tornam partir en ProD2 l’an que ven amb la mitat del budget d’ongan… » Tot sapient qu’ongan agèrem un marrogal de 3 milions d’€, aquò vòl dire, qu’ara per ara, per la sason 2007-2008 dispausariem pas que de 1 milion e mièg d’€. Per ajudar a la reflexion e al debacte, vos balhi çai-dejós los bugectes d’ongan en ProD2. Aquestes foguèron publicats per La Despacha lo divendres 1èr de setembre de 2006. Aquí-los :
Tolon : 7,5 milions
Lion : 6,5 milions
Pau : 5 milions
Metro-Racing : 4,7 milions
Colomièrs : 3,8 milions
Basièrs, Grenòble e Tarba : 3,5 milions
Dacs : 3,2 milions
Bordèu-Bèglas, Galhac, La Rochèla e Lemòtges : 3 milions
Oyonnax : 2,8 milions
Lo Mont de Marsan e Aush : 2,3 milions
Farem pas aquí l’eqüacion entre argent e resulta, que i auriá plan a dire e qu’aurem léser d’i tornar s’o volètz. Acontentem-nos de constatar qu’es pas possible de jogar en ProD2 amb un budgete de mens de 3 milions. D’ont mai que, va sens dire, las chifras serán en auça per la sason que ven.
Alavetz, ni Mauillon, ni Joan-Pèire Delmas, nimai los autres bailes de l’UAG fabrican pas la moneda. Es la rason per laquala compreni que fasquen tot çò que pòdon per salvar e prennisar l’UAG en ProD2. Es evident e clar que se partissem l’an que ven amb un budgete d’un million e mièg, serà nòstra darrièra sason dins aqueste campionat. Mas ja l’aventura es estada exepcionala e tras qu’exepcionala. Es estat lo primièr còp dins l’istòria del rugbí professional (emai s’es recenta), qu’un club d’una vila de 13 000 estatjants capite a pujar e a se mantener en ProD2. Aprèp un tal espet, seriá pas brica desonorant de tornar davanlar en Federala 1. Los bailes de l’UAG o entendan pas atal e vòlon ensajar de perennisar (a tot perdre ?) lo club dins aqueste campionat professional. A mon vejaire, o ai ja escrich, una fusion (amb Graulhet o qualqu’un mai) durarà pas.
Pòdi pas ne voler a de monde d’ensajar de far tot lor possible per dire de far durar un sòmi meravilhós. Es talament vertat qu’aimariem poder nos desrevelhar pas !
Lo rugbí es una fèsta. Es l'espòrt occitan per excelléncia.
Répondre