Qu’es aquela rumor capborda de fusion amb Graulhet ?

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Qu’es aquela rumor capborda de fusion amb Graulhet ?

Message non lu par Sergi »

Aqueste matin quand crompèri la Despacha foguèri estabosit de veire, o puslèu de legir, que i auriá desempuèi qualquas annadas una rumor de fusion entre l’UAG e l’ECG (l’Esportiu Club Graulhetòl). Meti tot aquò al condicional qu’èra pas brica al corrent. Macarèl de macarèl, que fasètz Juscabondas ? M’auriètz degut téner al fial. Ai un pauc l’impression d’èsser cocut ! soi lo darrièra a aprene que i a (o que i aviá) un projecte de fusion entre los dos club « negre-e-roge ».
Inutile de vos dire que soi completament contre un tal projecte. Demòri fòrt e mòrt un partidari del rubgí de cloquièr. Que lo cloquièr en question arribe al nivèl rugbistic qu’es lo seu, un punt es tot. Es pas la pena de voler força l’escalada a tot perdre. Totòm sap ara que la pujada dins l’escala de l’exeléncia rugbistica es una question d’argent. Alavetz, mantunes clubs an fusionat per dire d’acampar lo mai de moneda possible. I a qu’a véser al nivèl federal çò qu’aquò balhèt entre Saïx e Soal. « Sauragot » joga desempuèi qualquas annadas a monta-davala entre regionala e federala. Un còp l’equipa joga dins un vilatge, lo còp d’aprèp dins l’autre (emai se d’ara enlà Sauragot jòga mai que mai a Soal ont las intallacions son plan melhora), çò que fa que los suportaires sabon pas plan ont ne son. L’esperit del rugbí campanilista se perd, se diluís dins aquestas fusions.
Al nivèl professional, aquò’s la meteissa causa. I a qu’a véser çò que se passa amb la fusion entre Bordèu e Bèglas. Lo club a pas mai cap de personalitat. I a pas qu’a véser son quiti nom : USBCABBG ! Qual poriá quitament retener de cap un nom parelh ! O vos demandi ? Ont i poriá aver de plaça per una anma rugbistica dins un sigle atal ? An perdut de public eles tanben en perdent lor anma.
Coma en tota causa cal èsser concret prepausa un nom per la futura (e Dieu mercés ipotetica) fusion entre Galhac e Graulhet : l’UCIRUAGECG siá Union Comerciala e Industriala Rugbistica entre l’UAG e lo ECG. Nòstre-Sénher l’Ovalia, çò que siem oblijat de suportar ! Tè, me torni emplenar un veire de Galhac !
Lo rugbí es una fèsta. Es l'espòrt occitan per excelléncia.
Le paysan
Senior
Senior
Messages : 517
Enregistré le : 13 juin 2006, 21:50

Message non lu par Le paysan »

Aquelo fusiou n en boli pas.Nou y nou :?: :twisted:
Répondre