Entre doas gorjadas de vin se cal entraïnar a far vocalisas

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Entre doas gorjadas de vin se cal entraïnar a far vocalisas

Message non lu par Sergi »

Òc-ben, braves companhs Jucabondas ! Auèi de cal entraïnar a far vocalisas per encotajar deman nòstres campions a La Bòria. Almens que los bailes de còlha son pas capables de balhar lo minimum requist de moral als jogaires (ai encara legit La Despacha aquesta setmana), lo public siá valent per compensar aquesta manca. Emai vertat es que non soncament lo public de Bernat Lapòrta es pas plan espés, mas encara lo trapi un pauc flac.
Macarèl de macarèl ! A nos servís de produsir tan de vin a Galhac se lo Galhagòls lo sabon utilisar coma de deu ? Qualques còps me demandi çò que raja dins las venas dels suportaires uagistas ? De juc de rafe o de juc de rasim bolhit ?
Aquò bolèga pas pro dins las tribunas populàrias. Quand pensi qu’ai repotegat coma un ase per aver de nautparlaires dins las travadas de La Bòria e qu’ara d’unes vièlhs repotegan per çò qu’aquò fa… De bruch. L’anma d’un club es dins son public. Fins ara a Galhac aviem pas qu’un public proporcionat a l’escalon qu’èra lo del campionat dins loqual jogava l’equipa. Ara siem en Pro D2 e l’estadi nòstre deu devenir un temple del rugbí amb una molonada de fisèls incondicionals. D’unas vilas coma Tolon o Montalban an capitat de metre en plaça una vertadièra cultura de club. Nautres a Galhac, avem pas a aver de complèxes. Òm pòt tamplan capitar a mitificat lo club aicí coma endacòm mai, almens n’agèssem la volontat.
Bon, espèri que coma ieu aurètz a còr, deman, a cridar coma de fadòrlas per butar darrèr los nòstres. Pensi que n’auran de besonh. E nautres tanben…
Jucabondistas de totes los barris, darrèr l’UAG, acampem-nos !
Lo rugbí es una fèsta. Es l'espòrt occitan per excelléncia.
Répondre