Çò que deviá arribar, arribèt !

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Çò que deviá arribar, arribèt !

Message non lu par Sergi »

A çò que pareis que l’Alan Galhard es realista quand sentís que sas tropas, sa còlha es pas plan famosa, pas plan galharda de cara a una equipa plan mai aplechada. Aquò rai ! Demandam pas a deguns, nimai als entrainaires de l’UAG de denegar la realitat de las causas. Mas de que far d’aquesta realitat quand es patenta ? La cridar sus las teuladas ? Fa saber a la ciutat e al monde sancèr que las caròtas son cuèjas ? Me sembla qu’al nom del realisme òm pòt reconeisser davant los micròs que « compte tengut de l’infirmariá plena, la victòria serà malaisida d’obtener ». Mas se poriá ajustar « qu’aprèp tot una partida de rugbí es quinze jogaires subre la pelena per caduna de las equipas ». Se poriá dire abans lo còp de fiulèl d’enaçament qu’ « a n’aquel nivèl tot es possible ».
Que l’analisi realista se fasque aprèp la partida. Aquò rai ! Lo descalatge entre las fòrças en preséncia se pòt reconeisser a n’aquel moment. Es alara que se deu far lo bilanç objectiu de la partida e quitament lançar tres o quatre tòcas a realisar per i remediar.
Mas lo trabalh de preparacion psicologic de l’equipa se deu far en intèrne. Vòli pas mai véser una còla bailejaira demandar a sos jogaires de perdre una partida avant de l’aver jogada. De rasonaments coma los qu’avèm legits subre lo Jaune o La Despacha la setmana passada, ne vòli pas mai legir enluòc. Quand los quitis entrainaires demandan a lors jogaires de perdre un jorn per ganhar (belèu) lo lendeman, se cal pas esperar a çò qu’aquestes ganhèssen.
Aièr a Pau 32 a 0 a la miègtemps. Avèm mancat prene seissanta punts dins la museta ! A solide que lo entraïnaires deguèron brandir las piuces als jogaires dins los vestiaris. Èra pas lo moment, o alara a ne voler far d’esquizofrènes ?
Sus aquel còp : carton roge per l’Alan Galhard e lo Cristòfol Lucquiaud !
Bon anem ! Quichètz pas tròp sus la bonda aquesta setmana e a dimenge que ven a La Bòria.
Lo rugbí es una fèsta. Es l'espòrt occitan per excelléncia.
Répondre