Qu’es aquel rambalh de partir batut abans de jogar ?

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Qu’es aquel rambalh de partir batut abans de jogar ?

Message non lu par Sergi »

Bon ! Es vertat, aquesta setmana als entrainaments, Chimarro se torsiguèt una cavilha e Tchale-Watchou se truquèt marridament un espatla. Pasmens es pas una rason per n’ajustar dins lo pessimisme e se complaire dins la pachaca. Compreni pas los rasonaments dels entrainaires Cristòfol Lucquiòt dins la Despacha de divendres e d’Alan Galhard dins lo « Jaune » (lo Miègjorn Olimpic) d’aquesta fin de setmana. Es pas per çò que l’infirmària es comola que devem partir per la capitala bearnesa en perdents, en condemnats. Una partida es pas perduda tant qu’es pas jogada subre la pelena.
Cadun o sap ben pro, lo moral de las tropas compte fòrça dins la preparacion del jòc. Alavetz, soi malcorat de véser las intervencions mediaticas dels entrainaires d’aquesta setmana. Òm diriá que justifican a l’avança la pèrta de la partida. Es pas atal que ganharem dissabte a Pau!
Soi espantat per aqueste comportament dels professionals que son En Luquiòt e En Galhard. A los legir òm poriá quitament pensar que ne son a justificar la devalada que nos penja al nas ! Las partidas se jocan las unas aprèp las autras. Es pas la pena de quichar sul la malparada.
D’unes mancaran pas de dire que son simplament realistas. D’accòrdi, mas entre far un constat realista e d’incantacions desfachistas i a un pas que los responsables uagistas deurián pas far publicament. Avèm pro de malurs atal sens de rajustar per de rasonaments que balharan la cacanha a un regiment. Aprèp las rapaulas dels entrenaires, vesi pas cossí los jogaires aurián lo moral dissabte. Estant que lo jogaires sabon, eles tanben, legir. E los suportaires ? I pensan los bailes de l’UAG als suportaires ? Cossí balhar l’enveja al monde de venir emplenar las travadas de l’estadi Bernat Lapòrta se los quitis entrainaires del club pronostican l’infèrn per deman ?
Anem l’UAG !!!
Lo rugbí es una fèsta. Es l'espòrt occitan per excelléncia.
Répondre