Òu, siatz aquí los Jucabondas ? Vos ausisi pas ! Arrestatz un pauc la jusqueta e metètz-vos a picar sul clavièr. Òu, Blaireautarnais, òu, lo Paisan, onte siatz passats? Cal arrestar de festejar la victòria a Grenòble e passar a quicòm mai. Qualques còps ai l’impression de perdre lo contacte… Avètz benlèu pas enveja que passèssi al francés ? Amb l’accent ponchut ????
Aqueste pichon mot per nos informar que lo mesadièr del rugbí en Albigés « Ovale 81 » contunha de publicar la cronica en occitan de Silvan Cassanha. S’avètz pas vòstra dòsi minimala de rugbiòc amb mos rasonaments sus aqueste forum, vos aconselhi de vos abonar a « Ovale 81 » o de l’anar crompar a cò dels mercants de jornals. Es un jornalet redde plan fach e subretot plan illustrat amb de fòtos tras que polidas. Aquel mesadièr s’amerita una difusion de las pus largas possiblas. Tenem aquí un mediàs de proximitat que nos informa subre lo nòstre espòrt favorit. Quicòm qu’es un regal de legir entre doas jucadas. Ven en complement de La Despacha e del « jaune ».
A dimenge, tenètz-vos fièrs !
Totjorn la cronica en occitan dins "Ovale 81".
Totjorn la cronica en occitan dins "Ovale 81".
Lo rugbí es una fèsta. Es l'espòrt occitan per excelléncia.
