Andrieu Walker se'n torna dins son país.

L'éndrets réservat per parlar patoès
Sergi
Poussin
Poussin
Messages : 52
Enregistré le : 15 oct. 2006, 09:06

Andrieu Walker se'n torna dins son país.

Message non lu par Sergi »

Cars Jucabondas

Auèi, coma cada diluns de matin, me soi precipitat a cò del mercant de jornals per crompar lo quodidian regional. Bon vos tornarai pas parlar de la pardida d’aièr a Granòble qu’es una partida a doblidar lo pus lèu possible. Se me’n teni a çò que dison e escrivan los jornalistas dins lors articles, lo rescontre s’es resumit a un concèrt de candelas. Candelas subre candelas, i sièm acostumat amb nòstra equipa qu’arriba sempre pas a dobrir lo jòc. A fòrça, aquò comença a m’alassar seriosament e aguèri sovent l’escasença d’o deplorar sus aqueste forum. Pasmens semblariá qu’aièr se batèron totes los recòrs d’aqueste costat. Lo quiti reportaire de Sudràdio n’èra completament espantat.
Pus embèstiant los jornalistas rapòrtan auèi qu’Andrieu Walker s’en torna dins son país d’Australia per jogar amb los del Queensland Reds, un club que coneissi pas. S’envòla tre aquesta setmana cap a las antipòdes. Mas coma una marrida novèla arriba pas jamai soleta, nos dison tanben que que lo cameronés Robbins Tchale-Watchou ven de signar per l’an que ven a Aush. Lo rubiaire vòl jogar ara en Tòp 14. Aquò se pòt comprene, emai se nos arrenga pas brica.
Aquelas doas despartidas me fan pensar a la famosa frasa que s’ausís a las sortidas dels cementèris après un sebeliment : « Son sempre los melhors que s’en van ». Es atal, ne va dins lo rugbí coma dins la vida. Normal, lo rugbí es la vida… e la vida es sovent paisselada de dòls.
Òc, l’UAG va deure acabar la sason sens Walker. Quand òm sap qu’al nivèl de l’effectiu siem just e que lo nòstre malhor arrièr met las velas, òm a de pensament a se far. Remercatz qu’atal riscam de véser plan mens de candelas a La Bòria ! Çò que deiriá nos càmbiar.
Bon, anem, nos demòra pas mai que nòu jornadas abans la fin de la sason e siem gaireben tirats d’afar. Pasmens nos demòra pas que d’esperar d’aver pas de nafrat d’aicí la fin de la sason. Seriá una catastròfa.
Fin finala, tot aquò se presenta pas jols melhors auspicis. Urosament nos demòra lo moral. Tè, tornatz-me emplenar un veire de Galhac. Just per doblidar…
Lo rugbí es una fèsta. Es l'espòrt occitan per excelléncia.
Répondre