Pom-pom girls se ditz en occitan pimponetas

[Sergi]

Cars amics Jucabondistas,
Coma totes los qu'an assistit a la partida de dimenge contra Tolon, pòdi pas daissar passar sens dire un mot subre la prestacion de nòstras pimponetas uagistas. Aquò's aquò que d'ara enlà l'UAG a sas pròprias pimponetas! Per ma fe es una plan bona causa. O ai ditz mai d'un còp, mas o torni dire, aquel estadi Bernat Lapòrta manca d'ambient, manca de gaug e mai que tot manca de vida. De la vida porgisseira de fèsta. Lo public se daissa pas pro anar, semble qualquecòps un pauc costipat. Urosament qu'avèm las femnas per metre soc e mandar de vam.
Alavetz, la creacion d'aqueta còla de pimponetas es una bona iniciativa. Òsca pels ne n'agèron l'idèia e que mai que tot butèron l'idèia fina a la seu concretisacion.
Perdieu, pel moment la tropa es un pauc estequida. Pas que sièis dròllas... Espèri que lo grope se va renfortir amb lo temps. Que volètz, Galhac s'es pas batida en un jorn!
Aquesta primièra prestacion publica èra pas encara al punt, mas la volontat i es e doncas la qualitat vendrà. Òsca per aquelas drolletas que d'ara enlà vendran esgaïar las abans-partidas a La Bòria. Quicòm que fasiá besonh per balhar de colors al rubí a Galhac.
Jucabondas de Galhac e d'endacòm mai, tenètz-vos fièrs!!!